प्रकृति तमू १७ माघ पोखरा ।   
तमु प्ये ल्हु संघ केन्द्रिय समितिले आज संघको युके शाखाका पदाधिकारीज्यु हरुलाई एक कार्यक्रमका बीच स्वागत गरेको छ ।
  
भोलीबाट तमु प्ये ल्हु संघ युके शाखा तथा हङ्गकङ्ग शाखाको संयुक्त आयोजनामा पोखरामा शुरु हुन गइरहेकॊ खेगी भेलामा सहभागि हुन पोखरा आएका उनीहरुलाई संघले स्वागत गरेको हो ।
   
तीन दिनसम्म चल्ने भेलामा सहभागि हुनका लागि युके शाखाका अध्यक्ष जगत पह्च्यु तमू सचिव भेगलाल च्याह्क्ली तमू सहसचिव जीतबहादुर क्रोम्छे तमू सदस्यहरु अमर त्होर्जे तमू पार्वती पर्जु तमू चन्द्रसुब्बा टु क्ल्हेप्री तमू आइता त्होर्जे तमू तेजबहादुर लैं तमूलाई तमू प्ये ल्हु संघको केन्द्रिय समिति युवा समिति र आमा समूहले संयुक्त रुपमा स्वागत गरेको थियो । यद्यपी हङ्गकङ्ग शाखाको प्रतिनिधिहरुलाई पनि स्वागत गर्ने कार्यक्रम रहे पनि उहाँहरु आउने क्रममा रहेकोले आज स्वागत गर्न नसकिएको संघले जनाएको छ ।
सो कार्यक्रममा खेगी भेलाको अध्ययन र अनुसन्धानबाट तमु प्ये लेखन कार्यमा सहयोग गर्नका लागि रु.२ लाख ५१ हजार १ सय ११ रुपैय आर्थिक सहयोग गरे बापत तमू ह्युल छोंज धिं गुरुङ राष्ट्रिय परिषदका सल्लाहकार एवं पूर्व आइ.जि.पी. हेमबहादुर तमूलाई कदरपत्रले सम्मान गरिएको थियो ।

समाचारका लागि रोशनी तमु पोखरा