यहि २४ जनवरी २०१० का दिन फिस्टेल रेष्टुरेन्ट जोर्डनमा तमु प्ये ल्हु संघ हङ्कङ्को छलफल बैठक अथवा गत १ जनवरी २०१० का दिन आयोजित तो-ल्होसारको समीक्षा बैठक सम्पन्न भयो। सो छलफल कार्यक्रममा खासै औपचारिक्त नअपनाएता पनि कार्यक्रम संघका अध्यक्ष सोम बहादुर योज तमुको अध्यक्षतामा सम्पन्न भएको थियो भने सो अनौपचारिक कार्यक्रमको सञ्चालन संघकै सचिव मन बहादुर तमुले गर्नु भएको थियो।                                                                  

 छलफल कार्यक्रम बिशेष गरेर गत १ जनवरी २०१० का दिन आयोजित तो ल्होसारको आर्थिक कारोबार अथवा आय-ब्ययको बारेमा गरिएको थियो र सम्बन्धित निकायहरु जस्तै ब्यवस्थापन समिती,सांस्कृतिक समिती लगायत आमा समुहले समेत आ आफ्नो आय-ब्यय बिवरणको प्रतिवेदन सुनाइएको थियो र प्ये ल्हु संघसंग आबद्द आमा समुहले पनि कोषको रकम संघको खातामा राख्नको लागि संघलाई हस्तान्तरण गरेका थिए।
  छलफल कार्यक्रममा ल्होसारको समीक्षा बाहेक तमु प्ये ल्हु संघ हङ्कङ्द्वारा गत २८ नोभेम्बर २००९ का दिन प्रदर्शित गरिएको गुरुङ् चलचित्र म्होराको आय-ब्ययको पनि सम्बन्धित निकायले प्रतिवेदन पेश गरेका थिए।साथै यहि आउंदो फेब्रवरी १,२ र ३ तारिखको दिन नेपालमा सम्पन्न हुन गएरहेको तिन दिने बिशेष भेलाको लागि पनि छलफल गरिएको थियो र हङ्कङ् शाखाबाट पनि त्यस भेलामा सहभागिता जनाउंने बारेमा संघको बैठकले पारित गरेको छ भने केहि दिनमा नै सहभागिता टोली नेपाल प्रस्थान गर्ने भएका छन। उक्त छलफल कार्यक्रममा प्राय कार्यसमितीहरुको उपस्थित रहेको थियो भने नेपाल र बेलायतबाट पाल्नु भएका सदस्यहरुको पनि उपस्थित रहेको थियो।
  अन्तमा जलपान कार्यक्रमको साथ साथ अध्यक्ष सोम बहादुर योज तमुद्वारा समीक्षा बैठकको समापन गर्नुभएको थियो।

मुक काजी प्लेहमें तमु
तमु प्ये ल्हु संघ ( हङ्कङ् )