पर्यटकीय एवं धार्मिक दृष्टिकोणबाट प्रख्यात दाउन्नेमा तमु प्ये ल्हु संघ नवलपरासी जिल्लाका नाममा नापी भएको जग्गालाई हाल विभिन्न समूहले अतिक्रमण गरिरहेको अवस्था छ । उक्त अतिक्रमणबाट जोगाइ राख्न दाउन्ने इकाई समितिबाट गरिएको आग्रहलाई सांगठनिक रुपमा समयमा सहयोग नजुटाउनुको कारण अतिक्रमणको यो अवस्था आएको हो । पर्यटकीय एवं धार्मिक दृष्टिकोणले अति महत्वपूर्ण जग्गा गुम्ने अवस्थामा रहेकाले तमु प्ये ल्हु संघका संस्थापक भोवर पाल्जें तमुको विशेष पहलमा तमु प्ये ल्हु संघ नवलपरासी जिल्लाको दोस्रो साधारणसभामा अतिथिको रुपमा सहभागी हुन जाँदा दाउन्नेको जग्गालाई अतिक्रमणबाट जोगाउन तीन थान काँडेतार उपलब्ध गराएको छ । तमु प्ये ल्हु संघका संस्थापक भोवर पाल्जेंले एक थान, पच्यु पैंडी चिवा यारजंग क्रोम्छेंले एक थान र नवलपरासी जिल्लाका पूर्व अध्यक्ष क्षेत्रबहादुर च्हाक्ली तमुले एक थान काँडेदार उपलब्ध गराएका हुन् ।
     दाउन्ने तराईवासीहरुको केन्द्रविन्दु भएकाले त्यसलाई सबै तराईवासी तमुहरुले साझा स्थलको रुपमा अघि बढाउन सहयोग गर्नुहुन पनि पाल्जें तमुले सबैसँग आव्हान गर्नुभएको छ । दाउन्नेको लागि भविष्यमा आईपर्ने समस्यलाई समाधान गर्न जुनसुकै बेलामा पनि सहयोग गर्ने बचन तमु प्ये ल्हु संघका संस्थापक पूर्वअध्यक्ष क्या। भुवनिसं च्हाक्ली तमुले उद्घोष गर्नुभएको छ ।